بالفيديو – السيسي: حان وقت زيادة سعر رغيف الخبز المدعم ومش معقول الـ20 رغيف يكونوا بتمن سيجارة
طالب الرئيس عبد الفتاح السيسي برفع سعر رغيف الخبز المدعم وإعادة تسعيره مرة أخرى.
جاء ذلك خلال افتتاح السيسي، اليوم الثلاثاء، المدينة الصناعية الغذائية “سايلو فودز” بمدينة السادات بمحافظة المنوفية ”
وقال الرئيس : جه وقت زيادة تسعيرة رغيف العيش.. مفيش حاجة تثبت على حالها عشرين تلاتين سنة ونقول محدش يمسه.
وأضاف ، في كلمة بثها التلفزيون: “جاء الوقت أن رغيف العيش (الخبز) أبو 5 قروش يزيد ثمنه، مش معقول أدي 20 رغيفا بثمن سيجارة”، متابعاً: “الكلام ده لازم يتوقف ونعيد تنظيمه بشكل مناسب، رغيف العيش بيكلفنا 65 قرشا وهذا الأمر لازم يتوقف، مش هقول أننا هنزوده أوي ولكن هذا الأمر يجب أن يتوقف”.
وأوضح السيسي، “زي مانا داخل على حياة كريمة عشان أغير حياة الناس لازم نتكلم في سعر رغيف العيش، وفي ناس تقولي ما ترمي الأمر على الحكومة، لأ أنا اللي بقول”.
وأردف “عاوزين بلادنا تعيش وعاوزين نطلع منتج محترم ونمشى مصالحنا كويس، وجميعنا مأمونين على بلدنا ومصالحها”.
والجدير بالذكر ان الدولة تدعم رغيف الخبز بقيمة 53 مليار جنيه.
وتشير تقديرات السنة المالية الجديدة 2021/2022 إلى أن دعم الخبز يبلغ نحو 50.62 مليار جنيه.
التعليقات متوقفه