فرشوطي محمد –
كشف الرئيس عبدالفتاح السيسي أسرارا جديدة حول ما حدث فترة حكم جماعة الإخوان. جاء ذلك خلال حضوره حفل عيد الفطر المبارك، الإثنين.
وشارك أبطال الملاحم الدرامية الاختيار3 و العائدون في الاحتفال بعيد الفطر مع أسر وأبناء شهداء القوات المسلحة والشرطة المصرية.
ووجه النجم كريم عبد العزيز الشكر والتحية والتقدير للرئيس السيسي قائلا :سيادة الرئيس احنا كلنا بنشكر سيادتك وبالنيابة عن زمايلي انا بقول الحمد لله ان ربنا قدرنا كفنانين وقدمنا ولو 1% من اللي قدموه العظماء .
وأضاف كريم قائلاً: “اللي قدموه العظماء هو أننا قادرين نعيش في بلد آمنة دلوقتي .. وقادرين اننا نقف قدام سيادتك”.
وتابع الفنان: “كلام حضرتك لينا هو أعلى وسام احنا كلنا أخدناه النهارده “..
وقال الرئيس موجها حديثه لأبطال مسلسلي الاختيار والعائدون “نقلتم الحقيقة دون تزييف أو مزايدة”.. عشان الأطفال دول يعرفوا الحقيقة لما يكبروا.
وأضاف: “حتى البيان اتكتب ولكن كتير من الناس مش واخدين بالهم ومش مصدقين، إني مستعد من أجل الحقيقة والصدق والأمانة حتى لا تشوه ما عمله المصريين في 2013، وحاولنا نحل المسألة بدون أي صدام ولكن للأسف التشويه والشائعات لحد دلوقتي”.
واستكمل: محدش عايز يفكر يقول يا ترى اللي اتقال ده كان حقيقة ولا حتى نص حقيقة.. ربنا يكفينا أهل الشر.. وبقول للمصريين كل سنة وانتوا طيبين وخلوا بالكم من بلدكم.. والكلام ده مكنش ممكن حد في مكاني يسمح إنه يتعمل وهو موجود.. بس أنا قولت علشان كل كلمة وكل موقف ميبقاش فيه كدبة واحدة.
وحرص الرئيس ، على اصطحاب أبناء الشهداء عقب الانتهاء من أداء صلاة عيد الفطر المبارك في مسجد المشير طنطاوي في القاهرة الجديدة.
وأضاف: “المسلسل ده طبعا فيه مشاهد لأجهزة الأمن.. بس اللي ظهر حجمه قليل جنب اللي اتعمل فعلا.. أنا بتكلم عن وقائع خاصة بالدولة.. أنا عايز أقولكم إن الموضوع اللي حصل فيه تهديد مباشر للجيش اتعمل 3 مرات.. مرة اتعمل مع المشير الله يرحمه حسين طنطاوي واتقال إن لو الانتخابات والنتايج طلعت غير الرئيس الله يرحمه مرسي البلد هتولع”. واستكمل السيسي: “المرة التانية لما خيرت الشاطر قال إحنا حرقنا المقرات بتاعة الحزب الوطني ونقدر نعمل محاكمة شعبية ونحاكمهم.. المرة التالتة كانت ليا شخصيا.. وقسما بالله 45 دقيقة بيعمل بإيده كده ويقولي هنقتل وهنجيب من كل حتة وهنولع الدنيا.
اقرأ أيضا:بعد عرض أولى حلقاته مسلسل « الاختيار3 » يحتل صدارة التريند العربي
التعليقات متوقفه